Ölkəmizdə bütün növ təsərrüfat malları üzrə ixtisaslaşmış "Amart” mağazalar şəbəkəsinin 7 iyul 2023-cü il tarixində Sabirabad filialının açılışı olub. Müxtəlif növ təsərrüfat malları və texniki avadanlıqlarla təchiz edilmiş filialda müştərilərə yüksək səviyyədə xidmət üçün hər bir şərait yaradılıb.
Açılış mərasimində iştirak edən “Amart” mağazalar şəbəkəsinin həmçinin tərəfdaş şirkətlərin rəhbər və işçi heyəti, rayon ictimaiyyətinin üzvləri rayon daxili və ətraf rayonlarda yaşayan müştərilərin artıq tam rahat şəkildə geniş çeşidli məhsullardan yararlana biləcəklərini qeyd edib. Məlumat üçün bildirək ki, yeni satış nöqtəsində müştərilərə inşaat, xırdavat və digər təsərrüfat malları, aqrokimyəvi vasitələr, toxum və tinglər, gübrələr, pestisidlər, yem və yem əlavələri, bağ-bostan alətləri, suvarma və istixana sistemləri, santexnika, heyvandarlıq texnikası, həmçinin digər kənd təsərrüfatı məhsulları təqdim olunacaq.
Sabirabad şəhəri, Heydər Əliyev prospekti 1 ünvanında yerləşən yeni filial hər gün saat 09:00-dan 22:00-a kimi müştərilərin xidmətindədir.
Xatırladaq ki, “Aqrar İnnovasiya və Təchizat Şirkəti” ASC-yə məxsus “Amart” mağazalar şəbəkəsi cari il ərzində artıq üçüncü filialını istifadəyə verib. Şirkət gələcəkdə ölkəmizdə fermerlərin fəaliyyətini stimullaşdırmaq məqsədi ilə aqronom məsləhəti xidmətinin tətbiq dairəsini genişləndirərək həmçinin təsərrüfat xidmətləri sektorunda aqrar kreditlər, aqrotexniki vasitələrin satışı və s. kimi yeniliklərin tətbiqini hədəfləyir.
