“Amart” mağazalar şəbəkəsinin 26 may 2023-cü il tarixində Cəlilabad şəhəri, Heydər Əliyev prospekti 10 ünvanında yeni filialının açılış mərasimi keçirilib. Yeni satış nöqtəsində müştərilər bütün növ təsərrüfat xidmətlərindən yararlana biləcək.
Beləliklə, yeni satış nöqtəsində müştərilərə inşaat, xırdavat və digər təsərrüfat malları, aqrokimyəvi vasitələr, toxum və tinglər, gübrələr, pestisidlər, yem və yem əlavələri, bağ-bostan alətləri, suvarma və istixana sistemləri, santexnika, heyvandarlıq texnikası, həmçinin digər təsərrüfat məhsulları təqdim olunacaq.
Açılış mərasimində “Amart” mağazalar şəbəkəsinin həmçinin tərəfdaş şirkətlərin rəhbər və işçi heyəti, rayon ictimaiyyətinin üzvləri iştirak edib.
Filial hər gün saat 09:00-dan 22:00-a kimi müştərilərin xidmətindədir.
Xatırladaq ki, “Amart” mağazalar şəbəkəsi “Aqrar İnnovasiya və Təchizat Şirkəti” ASC-yə məxsusdur. Şirkət ölkəmizdə fermerlərin fəaliyyətinə yaxından dəstək məqsədi ilə aqronom məsləhəti xidmətinin tətbiq dairəsini genişləndirərək həmçinin təsərrüfat xidmətləri sektorunda aqrar kreditlər, aqrotexniki vasitələrin satışı və s. kimi yeniliklərin tətbiqini hədəfləyir.
