Ölkəmizdə bütün təsərrüfat ehtiyaclarını bir mərkəzdə toplayan “Amart” mağazalar şəbəkəsi əhaliyə təklif olunan xidmətlərin keyfiyyətini yaxşılaşdırmaq məqsədi ilə filial şəbəkələrinin sayını artırmağa davam edir.
Beləliklə, şəbəkənin növbəti satış nöqtəsi 14 aprel 2023-cü il tarixində Şəmkir şəhəri, Bakı-Qazax avtomobil şossesi 380 km ünvanında istifadəyə verilib. Açılış tədbirində “Amart” mağazalar şəbəkəsinin həmçinin tərəfdaş şirkətlərin rəhbər və işçi heyəti, rayon ictimaiyyətinin üzvləri iştirak edib.
Yeni filialda müştərilərə inşaat, xırdavat və digər təsərrüfat malları, aqrokimyəvi vasitələr, toxum və tinglər, gübrələr, pestisidlər, yem və yem əlavələri, bağ-bostan alətləri, suvarma və istixana sistemləri, santexnika, heyvandarlıq texnikası, həmçinin digər kənd təsərrüfatı məhsulları təqdim olunacaq.
Hazırda şəbəkə sayını genişləndirməyi hədəfləyən şirkət gələcək satış nöqtələrində kənd təsərrüfatı ilə məşğul olan müştərilərə aqronom məsləhət xidmətləri, aqrar kreditlər, aqrotexniki vasitələrin satışı və s. xidmətlərin təşkilini planlaşdırır.
Filial hər gün saat 10:00-dan 22:00-a kimi müştərilərin xidmətindədir.
Qeyd edək ki, “AMART” mağazalar şəbəkəsi “Aqrar İnnovasiya və Təchizat Şirkəti” ASC-yə məxsusdur.
